Pêngava Bagera Cizîrê di roja 87'an de dewam dike û şervanên Hêzên Sûriyeya Demokratîk (QSD) derbên giran li çeteyên DAIŞ'ê dixin. Çeteyên DAÎŞ'ê ku li ber xelasbûnê ne, êrîşê dibin ser bendên QSD'ê û bi vî rengî hewl didin emrê xwe dirêj bikin.

Çeteyên DAIŞ'ê danê vê sibehê êrîş birin ser nuqteyên QSD'ê yên li gundên Ebû Hemam û Siwedahê.

Şervanan bersiv dan çeteyan û şerekî dijwar li vir dest pê kir. Di encama vî şerî de 46 çeteyên DAIŞ'ê hatin kuştin û wesayiteke çeteyan a bombebarkirî ji aliyê şervanên QSD'ê ve hate bêbandorkirin.

Di vî şerî de 2 şervanên QSD'ê şehîd bûn.

Êrîşa çeteyên DAÎŞ'ê bi giranî hate şikandin, lê hê li hin cihan carna şer diqewime.