Cenazeyên 9 çeteyên ku ketibûn destê şervanan wê bi rêya Heyva Sor a Kurd radestî malbatên wan bên kirin.

Hêzên Şoreşger ên herêmên Şahbayê ku di bin sîwana QSD′ê de tev digerin, ragihandin ku di encama êrîşên artêşa Tirk a dagirker û çeteyên wê yên li ser gundê Eyn Deqnê de herî kêm 30 çete hatin kuştin, bi dehan çete jî birîndar bûn. Cenazeyên 9 çeteyan ketin destê şervanan. Lê ji ber topbarana artêşa dagirker a li ser gund û herêmên derdorê, cenaze hê li qada şer li erdê ne.

Şervanên Hêzên Şoreşger, ji bo cenazeyên 9 çeteyên ku di şer de hatibûn kuştin radestî malbatên wan bikin, radestî tîmên Heyva Sor a Kurd kirin.

Tîmên Heyva Sor a Kurd jî wê bi malbatên wan re bikeve nava têkiliyan ji bo cenazeyan radestî malbatên wan bikin.