8 girtiyên din jî ketin greva birçîbûnê

Li Girtîgeha Tîpa M a Baybûrtê 6 girtî, li Girtîgeha Patnosê jî 2 girtî ketin greva birçîbûnê ya li dijî tecrîdkirina Ocalan.

Grevên birçîbûnê yên bi pêşengtiya Hevseroka KCD’ê û Parlementera HDP’ê ya Colemêrgê 8’ê Mijdara 2018’an hatibû destpêkirin her diçin belav dibin. 6 Girtiyên li Tîpa M ya Baybûrtê jî tevlî çalakiya bêdawî û bêdorveger bûne. 

Girtiya bi navê Serfiraz Demîrer bi nameyekê ragihand ku 3 girtiyên bi navên Delîla Roj Erkmen,Sevgî Akar Gurduz, Fatma Yildirim 5’ê Çileyê û girtiyên bi navên Serfiraz Demirer, Tugba Can, Zeynep Topçu jî 20’ê Çileyê tevlî greva birçîbûnê ya bêdawî û bêdorveger bûne.

Di nameyê de hate diyarkirin ku ji derveyî kesên tevlî grevê bûne, 6 kesên li çalakgeran dinerin heman odeyê.

Di dewama nameyê de hate gotin ku rewşa wan baş e, moralê wan pir bilind e. Hate gotin ku hêviyên wan hê serfiraziyê tacîdar bikin di asta herî jor de ye. Herî dawî girtî silav û rêzdariyên xwe pêşkêş dikin.

2 GIRTIYÊN DIN JÎ KETIN GREVÊ

Li aliye din li Girtîgeha Tîpa L a Patnosê ya Agiriyê girtî Emre Yalçin û Mehmet Bozdag jî bi nameyekê ragihandin ku ji bo piştgirîdayîna berxwedana grevên birçîbûnê ketine greva birçîbûnê ya bêdawî bêdorveger.

Nameya girtî Mehmed Bozdag wiha ye;

"Ez Mehmed Bozdag di sala 1989’an de li navçeya Pîran a Amedê hatime dinê. Di temenê xweyê biçuk de bi malbata xwere me koçî navçeya Rêzan a ( Baglarê)’a Amed’ê bûn. Min heta dibistana lîseyê li Amed’ê mekteb xwend û piştre jî ez çum zanîngeha Erzinganê. Dema min zanîngeha Erzînganê dixwend  di sala 2011’an de mi xwest ez bibim rêwyê rêya heqîqetê. Min bi vê rengî meşa ku di rêya heqîqetê de biryar da ez di sala 2012’an de 12 li Dersime dil ketim. 12 sal cezayê girtîgehê dan min, ev 7 sal in di girtîgehê de me. Girtîgehên ku ez lê mame bi rêzê wihane; Dersim, Erzirom, Rîze û herî dawî jî ez hatim Patnosê.

Girtî Emre Yalçin jî bi nameyekê diyar kir ku ji 16’ê Kanûna 2018’an ve ve di greva birçîbûnê ya bêdawî-bêdorveger de ye. Nameya Yalçin jî wiha ye;

Ez jî Emre Yalçin. Sala 1995’an de li navçeya Fetîhîyê ya Muglayê hatim dine. Dayika min bi eslê xwe  Arnavot  e. Bavê min ji jî Giyadina Agiriyê ye. Min heta dibistana navîn i îzmîrê xwend. Di destpêka sala 2009’an de min rêya heqîqetê naskir û dawîya 2009’an de bûm rêvîyê vî rêyê. Di sala 2013’an de li Amed’ê  dil ketim. Bi rêzê ve li girtîgeha Amed , Bayburt, Gumuşhane û herî dawî jî li zindana panosê mam. 11 sal cezayê girtîhê li min birîn û ev 6 sal in di girtîgehê de me."