Polîsan êrîşî çalakiya rojnamevanan kir: 3 rojnamevan hatin destgîrkirin
DFG û MKGP’ê ji bo rojnamevanên hatine girtin xwest çalakiyekê bike. Polîsan êrîşî çalakiyê kir û 3 rojnamevan destgîr kir.
DFG û MKGP’ê ji bo rojnamevanên hatine girtin xwest çalakiyekê bike. Polîsan êrîşî çalakiyê kir û 3 rojnamevan destgîr kir.
Komeleya Rojnamevanan a Dîcle Firatê (DFG) û Platforma Rojnamevanên Jin a Mezopotamyayê (MKGP) xwest ji bo 16 rojnamevanên li Amedê hatibûn girtin, li Qada Ulusê ya Enqereyê çalakiyê bike. Polîsan êrîşî çalakiyê kir.
Polîsan dora qadê girtin û nehiştin rojnamevan derbas bibin. Nûçegihanê buroya Enqereyê ya Ajansa Mezopotamyayê Denîz Nazlim û rojnamevan Sîbel Yukler jî di nav de, polîsan li 3 rojnamevanan dan û ew destgîrkirin.
Polîsan hê jî dora qadê girtine.
Rojnamevan çûn Nûnertiya DÎSK’ê ya Enqereyê û tê payîn li wir daxuyaniyê bidin.