Parêzeran ji bo dîtina Abdullah Ocalan serî li dozgeriyê dan

Parêzerên Rêberê Gelê Kurd Abdullah Ocalan ji bo karibin muwekîlê xwe bibînin serî li Serdozgeriya Komarê ya Bûrsayê û Midûriyeta Girtîgeha Îmraliyê dan.

Ji parêzerên Buroya Hiqûqê ya Sedsalê Raziye Ozturk, Faîk Ozgur Erol, Rezan Sarica û Emran Emekçî ji bo karibin muwekîlê xwe bibînin serî li Serdozgeriya Komarê ya Bûrsayê û Midûriyeta Girtîgeha Îmraliyê dan.

Ji bo dîtina Abdullah Ocalan parêzer hefteyê du caran serî li saziyên pêwendîdar didin. Daxwaza wan a ji bo hevdîtinê jî bi rêk û pêk bêbersiv tê hiştin.

Carna jî piştî çend mehan tê gotin ku hevdîtin hatiye qedexekirin û bi vî rengî destûra hevdîtinê nayê dayin.