Piştî ku peyama KCK'ê ya ji bo meşên dirêj ên Mannheîm, Basel û Luksembûrgê şand bi Îngilîzî hate xwendin, enternasyonalîst gihîştin Metzê. Meşvan tevî hewa sar jî bi coş û moral dimeşin.

Enternasyonalîstên ji zêdeyî 15 gelan, ji bo azadiya Rêberê Gelê Kurd Abdullah Ocalan dimeşin û bi zimanên xwe û bi Kurdî dirûşman diqîrin. Di meşê de wêneyên Ocalan, Leyla Guven û berxwedêrên greva birçîbûnê ya Strasboûrgê hatin hildan.

Meşvanên Luksembûrgê her wiha êlekên zêr ên bi wêneyên Sakîne Cansiz û Ocalan li xwe kirine. Meşvanên jin tevî flamayên Ocalan, alên YPJ'ê jî hildane.

Meş ji ber pir zimanî û pir çandî bi kêf û coş derbas dibe. Enternasyonalîst li her gund û bajarokên jê derbas dibin bi çepik, nîşaneya serketinê û tilîliyan tên pêşwazîkirin. Di meşê de li ser rewşa Leyla Guven û Ocalan belavok tên belavkirin.

Rêgeha meşê li trafîkê hatiye girtin û hêzên ewlekariyê tedbîrên tund ên ewlekariyê girtine.