Li bajarê Krasnodar a Federasyona Rûsya û Komara Xweser a Adigeyê 19’emîn salvegera Komploya Navnetewî ya li dijî Rêberê Gelê Kurd Abdullah Ocalan bi çalakiyên cuda ji aliyê Kurdisaniyan ve hate şermezarkirin.

KRASNODAR

Kurdistaniyên li bajarê Krasnodar a Federasyona Rûsyayê dijîn bi çalakiyekê komploya navnetewî ya 15’ê Sibatê ya li dijî Rêberê Gelê Kurd Abdullah Ocalan şermezar kirn.

Di çalakiya de  ku bi pêşengtiya Ontonomiya Çanda Kurd de hatî lidarxistin  Endama Kongreya Netewî ya Kurdistanê (KNK) a Rûsyayê Îşxan Ankosî axivî û wiha got; “Rêbertiya me bi komployekê ku di dîrokê de yek din weke wê nîne hate girtin û radestî dewlat Tirk hate kirin. Di nava 19 salan de dewleta Tirk a dagirker xwest îradeya Ocalan bişkêne û Tevgera Azadiya Kurdistanê tasfiye bike. Lê di vê pêvajoyê de Rêberê Gelê Kurd Abdullah Ocalan bi sekna xwe, bi têkoşîn û biryardariya xwe ji bo gelê Kurd bû çavkaniya moralê. Tevgera Azadiya Kurd bi têkoşîna xwe ya li çar parçeyên Kurdistanê gaveke din nêzî azadiya Kurdistanê bûye. Hêzên komploger negihiştin armanca xwe, komplo hate pûçkirin, gelê Kurd bi moraleke mezin ber bi azadiyê ve diçe.”

ADIGEY

Li Komara Xweser a Adigeyê jî  jinan dibin pêşengtiya Organîzasyona  Jinên Kurd a Bêrîtan ya Adigeyê bi çalakiyekê komploya 15’ê Sibatê şermezarkirin.

Çalakî li Navenda Çanda Kurd a Adigeyê hate lidarxistin. Jinan piştî çalakiya greva birçîbûnê bi daxuyaniya çapemeniyê 19’emîn salvegera komploya navnetewî ya li dijî Rêberê Gelê Kurd Abdullah Ocalan şermezar kirin.

Seroka Organîzasyona Jinên Kurd a Bêrîtan Xatûn Mamedova di çalakiyê de axivî û wiha got; “Dewleta Tirk ji bo Kurdan tûne bike, çi ji destê wê tê dike. Lê belê Rêberê Gelê Kurd û Tevgera Azadiya Kurdistanê bi têkoşînê hemû planên Erdogan û hevkarên wê pûç kir. AKP ya ku li dijî siyaseta Kurd têk çû, êrîşî Efrînê kir û dixwaze îradeya gelê Kurd bişkêne.”

Piştî axaftinan jinan bi dirûşmeyan komploya 15’ê Sibat û êrîşên li ser Efrînê şermezarkirin.