Atolyeya li Amedê ragihand ku wan di çarçoveya amadekariyên konferansa ku wê bê lidarxistin de bi dirûşmeya ‘Dem Dema Hilweşandina Rejîma Qeyûm û Avakirina Rêveberiyên Herêmî yên Demokratîk e’ atolye vekirine.

Endamên HDP’yî û dînamîkên civaka sivîl tevlî axaftina vekirinê ya atolyeyê bûn. Axaftin ji aliyê Alîkarê Hevserokê Giştî yê Berpirsê Komîsyona Têkiliyên bi Partiyên Siyasî û Rêxistinên Civaka Sivîl ya HDP’ê Tûncer Bakirhan hat kirin.

Bakirhan têkilî rehenda civakî ya rejîma qeyûm ya ku ji sala 2016’an heya niha didome nirxandin kir û di derbarê texrîbatên ku qeyûman afirandî de agahî da.

Hevberdevka Desteya Rêveberiyên Herêmî yên Demokratîk a HDP’ê Hediye Karaaslan jî behsa êrişên qeyûman kir.

Di atolyeyê de li ser tiştên ku di dema yekemîn qeyûmî de pêkhatin û têkoşîna li hemberî qeyûmên wê demê, aliyên wekhev û cihê yên pêvajoya qeyûman a 2016-2019’an, rejîma qeyûm ya ku li Tirkiyê weguheriye rêveberiyekî domdar û rêçareyên derbaskirina hişmendiya qeyûman weke senavan gotûbêj hat kirin.