Konfederasyona Sendîkayên Kedkarên Cemaweriyê (KESK) li Navenda Giştî ya KESK'ê civîneke çapemeniyê li dar xist û bernameya 8'ê Adarê eşkere kir.

Sekretera Jinan a KESK'ê di civînê de axivî û li ser bernameyê agahî da.

BERNAMEYA 8'Ê ADARÊ

Li gorî daxuyaniyê bernameya 8'ê Adarê ya KESK'ê wiha ye:

"Em ê serdana jinên li kargehan bikin, civînên jinan li dar bixin û bi daxuyaniyên çapemeniyê yên li pêşiya kargehan daxwazên kedkarên jin destnîşan bikin.

Di 4'ê Adarê de em ê li hemû bajaran li pêşiya Midûriyetên Bajaran ên Xizmetên Civakî, Kar û Malbatê bin. Em ê bang li vê wezaretê bikin ku li pêşberî pirsgirêkên jiyanî yên jinan xemsar e û careke din daxwaza xwe ya ji bo avakirina Wezareta Jinan û Wekheviyê bînin ziman.

Di 7 û 8'ê Adarê de li bajaran hemûyan bi rêxistinên jinan hemûyan, rêxistinên pîşeyî yên kedê û partiyên siyasî re, bi jinan hemûyan re em ê li qadên mîtîngê bin."