Li paytexta Elmanya Berlînê, di şexsê Navdar Serhat de ji bo bîranîna şehîdên meha Gulanê tûrnûvayeke futbolê hate lidarxistin.

Tûrnûva ji aliyê Ciwanên Azad-Berlînê ve hate organîzekirin û bavê Navdar Serhat Îbrahîm Ozsûlar, nûnerên NAV-DEM, Meclîsa Jinê ya DEST DAN, PYD Berlîn û gelek Kurdistanî tevlî bûn.

20 tîmên futbolê tevlî pêşbirkê bû û di encamê de tîma Kurd-Postzdam bi ser ket. Xebatspor bû duyemîn, Mala Beyrê bû sêyemîn. Bavê Navdar Serhat Îbrahîm Ozsûlar, ji TJK-E Nûpel Mûnzûr û siyasetmedarê Kurd Sînan Onal xelatên tîmên serketî radestî wan kirin.

Tûrnûva bi qîrîna dirûşmên "Şehîd namirin" û "Bijî Serok Apo" qediya.