HPG: 16 leşkerên Tirk hatin kuştin

Navenda Ragihandin û Çapemeniyê ya HPG’ê têkildarî çalakiyên gerîla yên li Colemêrg, Wan, Şirnex, Sêrt, Qers, Bedlîs û Amedê daxuyaniyeke nivîskî weşand. HPG’ê ragihand ku di çalakiyan de 16 leşkerên Tirk hatine kuştin.

Navenda Ragihandin û Çapemeniyê ya HPG’ê daxuyaniyeke nivîskî weşand û diyar kir ku li Bakurê Kurdistanê çalakiyên gerîlayên HPG’ê didome. HPG’ê di daxuyaniya xwe de bang li cerdevanan jî kir û got, “Nebin amûra polîtîkaya qirêj a dewleta Tirk û ligel têkoşîna azadiyê ya gelê xwe bin.”

Navenda Ragihandin û Çapemeniyê ya HPG’ê ev agahî par ve kir;

‘LI GEVERÊ LI DIJÎ LEŞKERAN ÇALAKIYEK HATE LIDARXISTIN’

Bi çarçoeya Pêngava Şoreşger a Şehîd Pîroz û Şehîd Agirî hêzên me 13’ê Tîrmehê saet 10.15’an li Colemêrg Geverê, li girê Şehîd Gafûr çalakiyek li dijî artêşa  dagirker a TC’ê kirin. Di çalakiyê de kozikên dijmin derbên giran xwarin. Di vê çalakiyê de hijmara kuştî û birîndarên leşkeran tam diyar nebû.

Bi çarçoweya Pêngava Şoreşger a Şehîd Delal Amed û Şehîdên Bestayê hêzên me li dijî artêşa TC’ê ya dagirker çalakî kirin. Berfirehiya çalakiyê wiha ye;

LI ELBAQÊ QEMYONA MALZEME JI QEREQOLAN RE DIBIR BÛ HEDEF

13’ê Tîrmehê sat 14.00’an hêzên me li Elbaq a Wanê, li qada  Geliyê Masîro qemyoneteke ku malzeme ji qeroqolên ser sînor re dibirin rawestandin. Hêzên me hin dokumanên leşkerî û 1 tifinga bi pompeyê û malzemeyên pê re şewiwandine. Ajokarê qemyonetê piştî ku deng lê hatiye kirin hatiye berdan.

LI ŞIRNEXÊ 2 LEŞKERÊN DIJMIN HATE KUŞTIN

14’ê Tîrmeê saet 04.30’An hêzên me li Şirnexê bi ser qereqola TRT Gabarê de girtin. Di çalakiyê de hêzên me ji du baskan ve li kozikan reşandin û 2 leşkerên dijmin di encamê de hatine kuştin. Piştî çalakiyê artêşa TC’ê ya dagirker bi obûs û hawanan li qadê xistiye.

LI BERWARÎ YA SÊRTÊ 8 LEŞKER HATIN KUŞTIN

14’ê Tîrmehê  li Sêrt Berwarî, dema ku wesayiteke zirxî ya artêşa dagirker a TC’ê ber bi qada Çemê Karê ve diçû, hêzên me saet 11.15’an çalakiyeke sabotajê li ser kirine. Di vê çalakiyê de wesayiteke zirxî ya kobra hatiye rûxandin û 8 leşkerên dijmin hatine kuştin. Artêşa TC’ê ya dagirker saet 21.00’an qerqoteya wesayita zirxî û leşkerên kuştî bi alîkariya wesayitên zirxî rakirine.

LI QAXIZMANÊ 2 LEŞKER HATIN KUŞTIN

Ev pêlek e artêşa dagirker a TC’ê li Qers Qaxizmanê li qada Madûrê hewl dide ku yekîneyên veşartî bi cih bike. Bi çarçoweya Pêngava Şoreşger a Serfiraziyê hêzên me 13’ê Tîrmehê saet 21.30’an li dijî yekîneyeke xef ku dihate xwestin li qadê bi cih bibe çalakiyeke sabotajê kirin û di encama vê de 2 leşkerên dijmin hatine kuştin.

LI BEDLÎSÊ 4 LEŞKER HATIN KUŞTIN

12’ê Tîrmehê artêşa TC’ê ya dagirker li Bedlîsê, li qada Şêx Cuma operasyonek dane destpêkirin. Heman rojê berê sibehê hêzên me yekîneyeke operasyonê kirin jêr kontrola xwe û çalakiyek li dijî wan kirin. Di çalakiyê de ji du baskan ve li yekîneyên dijmin hate reşandin û 4 leşker hatin kuştin. Operasyon heman rojê ber bi nîvro ve ji qadê vekişiya.

LI AMEDÊ 3 HEVALÊN ME ŞEHÎD BÛN

10’ê Tîrmehê artêşa TC’ê ya daigrker bi desteka amûra hewayî ya bêmirov li Qulpê ya Amedê li qada Şehîd Kawa operasyonek da destpêkirin. 11’ê Tîrmehê saet 01.30’ê balafiren şer û helîkoptêrê êrîşê qada yekîneyeke me ya li ser peywirê bombe kir. Di bombekirinê de 3 hevalên me şehîd bûn. Operarsyon heman rojê saet 13’ê Tîrmehê saet 12.00’an vekişiyaye.

ENDAMÊN ÎSÎXBARETÊ YÊN CILÊN GERÎLA LI XWE KIRÎBÛN BÛN HEDEF

8’ê Tîrmehê li Sêrt Berwarî li nêzî gundê Şûxa endamên îstîxbarta jandarma ku kincên leşkerî yên gerîlayên me li xwe kirine êrîş birin ser kozikeke cerdevanan. Di navbeyna endamên îstîxbaratê û cerdevanan de şer derket, 2 cerdevan û 2 endamên îstîxbaratê birîndar bûne. Piştî ku cerdevanan endamên îstîxbaratê zext kirin, fêhm kirin ku ev qomloyek e. Li ser vê bûyerê gelek cerdevanên herêmê çekên xwe berdan.

BANQ LI CERDEVANAN HATE KIRIN: NEBÎN AMÛRA POLITÎKAYÊN QIRÊJ

Artêşa dagirker a TC’ê bi lîstikên gemarî dixwaze cerdevanan bi ser me de bişîne û bide şerkirin. Beriya niha jî hatiye gotin, ti kesê ku derneketî operasyonê û rola wan di şehîdbûna gerîlayên me de nîn e ne hedefa me ne. TC ya dagirker bi provakasyonên wiha dixwazin cerdevanan li dijî gerîlayên azadiyê bide şerkirin. Ên ku li Kurdistanê cerdevantiyê dikin, li dijî van provakasyonên dewleta dagirker ku jiyana wan ne di xeman wan de ye, li dijî van polîtîkayan divê hişyar bin û nebin amûra polîtîkayên qirêj ên dijmin, li rex têkoşîna azadiyê ya gelê xwe rawestin.