Heyetan li Qendîlê daxuyanî dan: Li ber dagirkeriyê rabin
Heyetên ku li dijî dagirkeriya dewleta Tirk berê xwe dan Qendîlê, serdana çalakgerên mertalên zindî kirin.
Heyetên ku li dijî dagirkeriya dewleta Tirk berê xwe dan Qendîlê, serdana çalakgerên mertalên zindî kirin.
Eniya Neteweyî ku ji gelek nivîskar, aktîvîst, alimên olî û siyasetmedaran pêk tê û li dijî dagirkeriya dewleta Tirk ava bû, tevî heyeta KNK'ê danê sibehê ji gelek deveran berê xwe da Qendîlê.
Bi sedan kesên ji Silêmanî, Germiyan, Xaneqîn, Duhok, Helebçe, Hewlêr û gelek herêmên din bi rê ketin, li bajarokê Sengeser ê herêma Raperînê gihîştin hev û bi awayekî girseyî berê xwe dan Qendîlê.
Heyetan li Qendîlê serdana çalakgerên mertalên zindî kirin û piştre daxuyanî dan çapemeniyê.
Nûnerên saziyan bang li gelê Kurdistanê û hemû hêzên siyasî yên Kurdistanê kirin ku li dijî dagirkeriyê helwestê nîşan bidin.