HDP'ê di daxuyaniyê de diyar kir li gel ku 41 sal di ser re derbas bûne jî bandora darbeya leşkerî îro hê jî didome.

HDP'ê got, ''Aqilê îro yê darbeya 12'ê Îlonê û yê ku bi cih tîne dethilata AKP-MHP ye, ji bo dahatuya xwe ya siyasî, daxwazên ji bo dad, azadî û aştiyê binpê dike, gavên ne kêmî rojên tarî yên 12'ê Îlonê davêje. Hemû gavên derhiqûqî ku darbekaran xeyala wê dikirin, îro bûne frazeya desthilata AKP-MHP'ê.''

Bi berdewamî hate gotin ,''Desthilat û hevkarên wê yên aşkere û veşartî ku bi çaresernekirina pirsa Kurd mekanîka darbeyê sazkar dikin hevkarên îro yên darbeya 12'ê Îlonê ne.''

HDP'ê di daxuyaniyê de ya ji bo salvegera bal kişande ser têkiliya darbeyê û pirsa Kurd û got, ''Rêya jiholêrakirina hişmendiya darbeyê û mekanîka darbeyê ku ji bo gelên Tirkiyê bûye şevreşk çareseriya demokratîk a pirsa Kurd û avakirina jiyana nû ye.''