HDK Fransa duyemîn kongreya xwe ya asayî lidarxist
HDK Fransa îro li paytexta Fransa Parîsê duyemîn kongreya xwe ya asayî lidarxist.
HDK Fransa îro li paytexta Fransa Parîsê duyemîn kongreya xwe ya asayî lidarxist.
Kongre li salona kongreyê ya avahiya Partiya Komunîst a Fransa bi beşdarbûna delege û mêhvanan pêk hat.
Ji bo bîranîna şehîdên têkoşîna azadiyê kongre bi deqîqeyek rêzgirtinê destpê kir û di kongreya duyemîn de hate gotin ku HDK têkoşîna hevpar a gelan e û divê li dijî faşîzm û nîjadperestiyê têkoşîn were geşkirin.
Piştî nirxandinên siyasî axaftin hatin kirin û wiha hate gotin; “Pêşniyara çareseriya demokratîk a Rêberê Gelê Kurd Abdullah Ocalan li Kurdistan, Tirkiye û Rojhilata Navîn bûye hêviya hemû gelan. Li dijî faşîzma AKP-MHP’ê dem dema têkoşîna hevpar e.”
Di kongreyê de peyamên nûnertiya CDK-F, TJK-F, ACTIT, SKB, FEDA, FUAF û SYKB hatin xwendin û raporên dema xebatê jî hate xwendin û nirxandin.
Kongre bi hilbijartina hevberdevk Guley Çaylak û Veysel Keser bi dawî bû.