Gelê xwecihî yê Brezîlyayê Ka'apor piştgirî da Kurdan
Bi navê gelê xwecihî yê Brezîlyayê Ka'apor peyamek ji bo gelê Kurd hate weşandin.
Bi navê gelê xwecihî yê Brezîlyayê Ka'apor peyamek ji bo gelê Kurd hate weşandin.
Bi navê Meclîsa Gel a Ka'apor a li Maranhaoyê peyamek bi dîmen li malpera înternetê hate weşandin û hate gotin, "Ji şervanên jin û mêr ên Kurdan re; Ji bo xweseriya demokratîk em bi we re ne."
Di peyamê de hate ragihandin, kapîtalîzm nikare li ber têkoşîna gelan a ji bo parastina çanda xwe bisekine û hate gotin, "Em jiyana xwe, welatê xwe, çanda xwe diparêzin. Em gef û sîstema çandî û siyasî ya emperyalîzmê red dikin."
Di peyamê de hate gotin, "Ji bo xweseriya demokratîk û îradeya demokratîk a gelan, silav ji berxwedana we ya mezin re."
Gelê Ka'apor li qada rezerv a li eyaleta Maranhao ya di bin parastinê de ye dijî. Şêweyê jiyana wan bûye mijara gelek lêkolînan. Li qadeke daristanî dijîn û hewl didin vê qadê biparêzin.