Heftiya bihurî derketibû holê parêzerek ku li Enqere bû û karê Sefareta Elmanya dikir, ji Îlonê û vir ve li Tirkiyê hatiye girtin. Parêzerê bi navê Yilmaz S. ku daraza Tirk wî bi ''sîxûrtiyê'' tawanbar dike û ji hêla sefaretê ve, hatibû peywirdarkirin ku têkilî welatiyên Tirkiyê ku îltîcayê Elmanya kirine xwe bigihîne agahiyan.

Parêzerê navborî lê dipirsî  bê ka penaberên siyasî yên ku xwe li Elmanyayê girtin bi rastî jî li Tirkiyê li ser wan biryara girtinê heye yan na, têne şopandin yan na û agahiyên ku distan digihande Sefereta Elmanyayê ya li Enqerê. Sefaret jî ev agahî di ser Wezareta Karê Derve ya Elman re digihande Daîreya Koçkirinê ya Federal û Paneberan (BAMF) û wiha li ser serlêdana penaberan biryar dihate standin.

Rewşa parêzerê ku hatî girtin, dema Civîna Karên Derve yên G20'yê, bûbû rojeva Wezîrê Karê Derve yê Tirk Mevlût Çavûşoglû yê Elman Heîko Mas. Maas gotibû, ''Me ji Çavûşoglû re got sedema girtina parêzer me fêhm nekiriye. Wî jî got, têkilî saziyên darazê ye.''