Dirûşmeya kongreyê ya Partiya Çepên Kesk: Ji bo Azadiyê!
Partiya Çepên Kesk wê 15’ê Cotmehê li Enqereyê kongreya xwe lidar bixe. Dirûşmeya kongreya Çepên Kesk weke “Ji bo Azadiyê” hat diyarkirin.
Partiya Çepên Kesk dê di 15’ê Cotmehê roja yekşemê de li Eywana Sporê ya Sergirtî ya Ataturkê kongreya xwe lidar bixe. Tê payîn ku bi dehhezaran kes tevlî kongreyê bibin û amadekariyên kongreyê didomin. Di civîna Lijneya Rêveberiya Navendî (MYK) a duh hat lidarxistin de dirûşmeya kongreyê hate eşkerekirin. Dirûşmeya kongreyê weke “Ji bo Azadiyê” hate diyarkirin.
