Çalakiya girtiyên siyasî ya ji bo azadiya fîzîkî ya Rêberê Gelê Kurd Abdullah Ocalan û bidawîbûna binpêkirinên li girîgehan di roja 163, greva li Mexmûr 142 û ya li Yewnanistanê jî di roja 118’an de didome.
Girtiyên siyasî yên ji doza PKK û PAJK'ê girtî ne, di 27’ê Mijdara 2020'an de, bi armanca bidawîkirina tecrîda li ser Rêberê Gelê Kurd Abdullah Ocalan ku 22 sal in li Girtîgeha Îmraliyê ya Tîpa F a Ewlehiya Bilind girtî ye û binpêkirinên mafên mirovan ên li girtîgehan zêde bûne, dest bi çalakiya greva birçîbûnê ya bêdem û bidorveger kirin. Çalakiya greva birçîbûnê ku koma 33’yemîn dewr girtibû, di roja 163’emîn de berdewam dike.
MEXMÛR
Çalakiya greva birçîbûnê ya li Wargeha Şehîd Rûstem Cûdî (Mexmûr) ku 18’ê Kanûna 2020’ê li Saziya Malbatên Şehîdan bi pêşengtiya Meclîsa Îştar destpêkiribû bi koma 71’an di roja 142’an de didome.
YEWNANISTAN
Çalakiya bi heman armancê ya bi pêşengtiya Tevgera Ciwanên Şoreşger (TCŞ), Tevgera Jinên Kurdistanê ya Ewropayê (TJK-E) û Navenda Çanda Kurdistanê li Kampa Lavrîo ya Yewnanistanê hatibû destpêkirin jî di roja 125’an de ye.
