Artêşa Tirk a dagirker li Cindirêsê komkujî kir
Artêşa Tirk a dagirker bombe li gundê Yalangoze yê Cindirêsê barand û 4 sivîl şehîd xist, ku 2 jê zarok, 2 jî jin in. Di komkujiyê de gelek sivîl jî birîndar bûn.
Artêşa Tirk a dagirker li Cindirêsê komkujiyeke din kir. Bi fuzeyan êrîş bir ser gundê Yalangoze yê navçeya Cindirêsê û 2 zarok û 2 jin şehîd xist. Gelek sivîl jî birîndar bûn.
Fikar hene ku hejmara şehîdan zêde bibe.
Artêşa Tirk a dagirker, duh bi şev jî top avêtibû gundê Til Selûr ê li Cindirêsê.
Di êrîşê de jina bi navê Sewsen Cemîl Silêman (46) şehîd bûbû, kurê wê Mihemed Esmed ê 7 salî û zarokekî din ê 10 salî birîndar bûbûn.
