Ahmet Kiliç ku di nava gelê Kurd de weke Mele Mûrat dihate naskirin, li bajarê Bremen ê Elmanyayê hate bîranîn. Merasîma bîanînê li Navenda Civaka Demokratîk a Kurd (NCDK) bi pêşengiya rêxistina KOMAW'ê ya Bremenê pêk hat.

Hevrêyê Kiliç Bunyamîn Xanî, nûnerê Civaka Îslamî ya Kurdistanê Mele Eşref, ji NAV-YEK'ê Hecî Çelîk, Hevserokê NAV-DEM'ê yê Eyaletê Saît Bîlgîn, Nûnera Tevgera Jinên Kurd Munevver Azîzoglû, ji berdevkên PYD'ê Şerzad Rojava, bi navê NCDK a Bremenê Kenan Koç li civîna bîranînê axivîn. Bi navê dayikên şehîdan jî dayika Binevş Edesa Dayika Eydê û welatiyan nêrîna xwe anîn ziman.

Qisekeran qala sekna têkoşer a Ahmet Kiliç, dilsoziya wî ya bi gel re û hevaltiya wî ya bi her kesî re kirin. Her wiha işaret bi dilsoziya Kiliç a bi Kurdistanê û Rêberê Gelê Kurd Abdullah Ocalan re kirin.