Komîteya Rêveber (KR) a Tevgera Şoreşa Yekbûyî ya Gelan (HBDH) daxuyaniyek da û got, ''Li ser xaka Tirkiyê û Kurdistnaê Şoreşa Yekbûyî xwedî rayên xurt, hilneweşîn û dîrokî ye. Baweriya bi şoreşê, şervanî, lihevnekirin, biryardarî, hatina ber bi berdêldayikê ve, wêrekî, gelek diyardeyên weke çêbûna ji bo tevgereke li ser rÊya şoreşê û domdarkirin di rayên Şoreşa Yekbûyî ya Tirkiyê û Kurdistanê de veşartiye.

Di daxuyaniyê de hate gotin,''Rabûna Şoreşger a 71'an ev cih in ku mirov li wan deran li van rayan bigere. Niha raya hemû çeqlên me ku têkoşîna Şoreşa Yekbûyî lê zîl dayî, ber bi ezmên, serfirazî û şoreşê dirêj bûyî, hêza herî girîng a jiyanê li wir e.

Rêberên me yên mezin ên şoreşger hevrê Denîz Gezmîş, Yusuf Aslan û Huseyîn Înan ku 6'ê Gulanê ber bi nemiriyê ve çûne dastanên têkneçûyinê ne ku ji hêla baweriya bi Şoreşa Yekbûyî û Sosyalîzmê ve hatine afirandin. Ev dastan her wiha hêza heqîqetê, her wiha derbeke dîrokî ya xurt, hilweşandêr e ku li 'rastiyên' pergalê xistiye. 6'ê Gulanê û Denîz,  ji 1972'an û wir ve bi hezaran ciwanên şoreşger ku bandor li ser wan kirî, bi rêya ku nîşan dayî, ispata nemirbûna şoreşê ye. Ragihandina herî biryardar e ku Şoreşa Yekbûyî heta serfiraziyê wê bimeşe.

Deniz tê maneya şoreşê. Navê wan bi şoreşê re bûye yek. Tevahiya jiyana xwe ji bo her tişta ku gotine tevgeriyane, an tişta ku gotine kirine rastî an jî li ser wê rêyê berdêl dane. Denîz gotina ji bo kirinê, tenê ji bo kirinê ye. Bi pratîka ku danîne holê gewherê têkoşîna şoreşê bêyî rawest tevgera ber bi hedefê ve, çêkirina herkekê ye û bi xewnerojkên ku bêyî biwestin li pey çûne, bi rengekî ku qet neyên ji bîr kirin di dil û hişê gelê me hatine nivîsîn.

Hevrê Deniz Gezmîş, Yusuf Aslan û Huseyîn Înan ji bo ji bo ku rêya rizgariyê a çewisandiyan nîşan bidin, jiyana xwe bi gotina, ''Em xetîreyek in, wê rêya kesên li pey me têne ronî bibe'' feda kirine. Denîz, bi pratîka xwe ya pêşeng a dîrokî ku bi têkoşîna li ser zorê danîn holê xetîreyek vêxistin û rêya rizgarî û şoreşê şanî gelan dan.

Li ser xaka Kurdistanê û Tirkiyê têkoşîna şoreşa yekbûyî, bi Denîz, Mahîr, Ibrahîman tim hebû. Dibe ku hê negihaştibe armancê, şoreşê lê li gel hemû çewisandin û komkujiyan jî nehate tinekirin. Têkoşîna şoreşa yekbûyî ku bi dehan salan didome her demê hêviyeke rizgariyê û azadiyê hate jiyîn, domandin û geşkirin. Hêza ti nûnerê faşîzmê têrê nekir ku vê hêviyê bitefînin, biqedînin. Berevaî pêşveçûna dîrokî ya Şoreşa Yekbûyî gelek saziyên faşîst û kesayat avêtin ser sergoya dîrokê.

Îro ku salvegera 49'an a nemiriya Denîzan em pêşwazî dikin Şoreşa Yekbûyî ya ku ew tovê wê ne, niha bi sedan Deniz, Yusuf, Huseyîn bi alayên ku li ba dibin ber bi hedefê ve dimeşin. Meşa şoreşê ya Denizan, îro di têkoşîna şoreşa yekbûyî de û di her gavê de ku bi vê têkoşînê tê avêtin didome.

Îro Tirkiye û Kurdistan ducanî serûbiniyeke mezin, guherîneke mezin û şoreşê ye .Tam jî îro bi wêrekiya Denizan, bi biryardariya wan û bi pratîka wan divê mirov ber bi pêş ve gav bavêje.

Li ber bîranînên berz ên rêberên mezin ên şorşger Denîz Gezmîş, Yusuf Aslan û Huseyîn Înan careke dî bejna xwe ditewînin, em soz didin ku dilsoziya xwe ya bi wan re bi serxistina têkoşîna Şoreşa Yekbûyî e mê pêk bînin.''