Nobeda Edaletê ya Malbata Şenyaşar dewam dike. Emîne Şenyaşar ji ber nexweşiyê nekarî îro tevlî çalakiyê bibe. Endamên Sendîkaya Kedkarên Xizmetên Civakî û Tenduristiyê (SES) Şaxê Amedê serdana Ferît Şenyaşar kirin.

Hevseroka Şaxê Amedê ya SES'ê Yildiz Ok Orak got, "Edalet wê bi destê mirovên we, me bê anîn. Sekna bi serbilindî û biryardarî wê edaletê bîne. Ev sekna we, ev bûyer wê derbasî dîrokê bibe."

Ferît Şenyaşar destnîşan kir ku heta bicihhatina edaletê wê têbikoşin.