Operasyona artêşa Tirk ku 9'ê Çileyê li bejahiya gundên Cinezur, Derxust, Hiseynik û Mişrefê yên li navçeya Licê ya Amedê dest pê kir, dewam dike.

Ji kesên ku li gundê derdora qada operasyonê hatin destgîrkirin 8 kes bi îdîaya "endametiya rêxistinê" hatin girtin.

Doh serê sibehê di serdegirtina gundên Cinezur, Derxust, Hiseynik û Mişrefê de herî kêm 35 kes hatibûn destgîrkirin. Kesên hatin destgîrkirin birin Qereqola Jendermeyan a Navçeya Licê.

DERIYÊ MALAN ŞIKANDIN

Yekîneyên leşkerî li gundikên ku avêtin ser wan, deriyê malên vala şikandin û lêgerîn kirin.

Artêşa Tirk a dagirker îro jî ragihand ku wan li bejahiya Licê dest bi operasyona "Eren-2 Lice" kirine.