Rêveberiya malpera PKK’ê ya ku daxuyaniyek nivîskî da, êgihana heqîqetê hêza wan a bingehîn a azadiyê ye ku nikare bê ferazîkirin. Mirov bi qasî têgihana xwe ya heqîqetê azad e. DI SOSYALÎZMÊ DE

Daxuyanî wiha ye:

“Têgihana heqîqetê hêza me ya bingehîn a azadiyê ye ku nikare bê ferazîkirin. Mirov bi qasî têgihana xwe ya heqîqetê azad e. Di roja me de ku hewla ferazîkirina civakbûyînê tê dayîn; malpera fermî ya Partiya me PKK’ê ku ziman, çalakî û hêza rêxistî ya heqîqetê ye, di encama êrîşên faşîstan de demekê navber da weşana xwe. Êrîşî me kirin, ji ber ku me heqîqet tanî ziman. Herî dawî çete-sîxurên MÎT’ê yên ku ji bo xwînrijiyê, ji bo komplogeriya li dijî gelên me û qedemeyên rêveberiya Tevgera me ya Azadiyê hatibûn Başûrê Kurdistanê, bi Operasyona Şoreşgerî ya Gerîlayên Azadiya Kurdistanê hatibûn girtin. Roja ku ev agahî belav bû, sîteya me ji hêla hêzên fermî yên faşîzmê ve hate hackkirin. Em dîsa dest bi weşanê dikin.  Bi sîteyeke ji berê hê xurtir, hê dewlemend û bi bandortir, em li hizûra gelên xwe ne. Em ê acizkirina her cûre faşîzmê, hêzên paşverû, emperyalîst, şoven ên cîhanê; xulase sîstema mêtingeran a ku mirov ji mirovahiyê derxistî bidomînin. Lewma em dîsa dest bi weşanê dikin, ji ber vê yekê em hene.

Bi coşa Demokles, bi distûra Sokrates a “Xwe Bizane”, bi hemû hêza ehl-î heq, me li dijî Nemrûdan xwe bi baweriya Hz. Îbrahîm pêçaye. Mîna Hz. Îsa me çarmîxa xwe li pişta xwe kiriye û em wisa hatine. Em wekî Hz. Nûh ê ji tofanê rizgarbûyî, dimeşin. Mîna Hz. Mûhammed, li dijî cehaletê ye şerê me  û Cîhad-i Ekber e ya em dikin. Ji Terzî Hermesan ta Zerduştan, ji Hallacan, ji Pîr Siltanan ta Babekan, ji Maniyan ta Ebûzeran, ji Şêx Saîdan ta Seyîd Rizayan, ji Besêyan ta Mazlûman, Kemalan; ji Sarayan ta Rozayan, ji Bêrîtanan ta Zîlanan, ji Delalan ta Atakanan; çiqas bedewên mirovan ên ku bûne cewher û gotina heq hebin, gotinên wan gotinên me, baweriyên wan baweriya me, rêya wan rêya me, çalakiyên wan çalakiya me ye. Em bi navê wan sond dixwin ku li kû derê faşîst, mêtinger, serdest, zilimkar, qatîlek hebe; em ê li dijî wan li ba azadîxwazan, mêtingehan, bindestan, mazlûman cihê xwe bigirin. Navê zalim DAÎŞ jî be, AKP-MHP, BAAS an jî çi dibe bila bibe, bê dudilî, mîna “fîşeka namûsê” ya ji lûleye derdikeve, em ê li ser rêya armanca xwe bimeşin. Bedela wê can be jî, em ê canê şîrîn bidin. Lê belê, em ê ji azadiya ku secdegeha Babekan e jî, ti carî neqerin. Em ê ji rêya jiyana azad a ku eşqa me ya heqîqetê ye, dernekevin. Dibe ku paşverûtiya cîhanê, mêtinger û emperyalîst ji me bêtir xwedî hêza madî bin. Dibe, ji bo ku dinya me di tarîtiyê de bifetisînin dixebitibin. Enceq, perçikekî heqîqetê jî bes e ku karibe koka giştî Îblîsan biqelîne! Encama teqez ev e, wextê wê jî girêdayî têkoşîn, tarz û tempoya me ye. Têkoşîna rêxistî ya gelên me ku mehkûm, muhtaç û hesreta azadiyê ne, diyarker e!

Em roja 8’ê Adarê ku piratîk û îspata nemir bûna Sarayan, Zîlanan, Bêrîtanan û Semayan e dest bi weşana malpera xwe dikin. Wekî Malpera PKK’ê, wekî îspata nemiriya Sarayan, bi helwesta moriya Brahîmî, em jî hatine ji bo bibin dilopek li deryaya azadiyê. Partiya me ku 41. Sala Damezrandinê bi aktîvîteyên biheybet pîroz kir, wekî heta niha kirî, nîşan daye ku wê ji niha û şûn ve jî bibe hêviya azadî û rizgariya gelên me. Di malpera xwe de em ê hewl bidin dahûrandin, pirtûk, nirxandinên cûr be cûr ên Rêber Apo, nirxandinên Kadroyên Pêşeng yên Tevgera me, nivîs, nirxandin û dîmenên şehîdên me, detayên ji jiyana Gerîlayên Azadiya Kurdistanê û hê gelek mijarên bîrdozî, siyasî, rêxistinî, aborî, çandî, civakî û hwd. bi şopdarên xwe yên nirxdar re parve bikin.

Civakbûyîna me, pîroziya me ye. Fikrê sosyalîzma berz, wekî pisûlayê, rêya me ya esas e ku em bêyî jê şaş bibin, dişopînin. Ji ber vê yekê ye ku em jî mîna Rêbertiya xwe qîr dikin: Di sosyalîzmê de israr, di mirovahiyê de israr e!”

Navnîşana giştî: 

http://pkkonline.info/