Emîne Şenyaşar ku hevser û du kurên wê di 14'e Hezîrana 2018'an de li navçeya Pirsûsê ya Rihayê ji aliyê xizmên parlamenterê AKP'ê Îbrahîm Halîl Yildiz ve hatin qetilkirin, tevî kurê xwe Ferît Şenyaşar ê di heman êrişê de birîndar bû, li ber Edliyeya Rihayê çalakiya xwe dewam dike. Çalakiya nobedê di 9'ê Adara 2021'ê de dest pê kiribû.

Di roja 304'an a çalakiya nobedê de Ferît Şenyaşar ji bo dîtina birayê xwe Fadil Şenyaşar ê 3 sal e li hucreya yekkesî ya Girtîgeha Xarpêtê tê hiştin, çû Xarpêtê. Li ser hesabê Twitterê jî ev peyam hate parvekirin:

"Me ev zilm qebûl nekir. Yên ku vê zilmê dibînin û bêdeng dimînin wê ji aliyê civakê ve neyên efûkirin. Têkoşîna me ya ji bo maf, hiqûq û edaletê di roja 304'an de dewam dike..."