Li Elmanya Hîldesheîmê ji bo wekîlên HDP’ê yên rehîn meşek hate kirin.
Meşê li ber gara Trênê dest pê kir û heta bi qaa mîtîngê ya Marktê dom kir. Kurdistanî bi pankart, dowîzan, bi dirûşmenya meşiyan. Meş ji hêla Komuna Jinan a Şehîd Meryem ve hate organîzekirin. Di meşê de dirûşm ji bo HDP’ê û Demîrtaş hatin berzkirin.

 ‘DIVÊ JIN ERDOGAN Û ÇETEYÊN WÎ TÊK BIBIN’

Li qada mîtîngê Berdevka Meclîsa Jinan a Şehîd Berçem Cîlo Hekîme Ûsiv axivî û got, ‘’Hemû jin û dayin li dijî komkujiyên li Kurdistanê divê serî rakin. Erdogan ê xwînxwar 15 hezar Kurd kuştin. Hemû jin divê rabin ser piyan. Dengê me ji bo Demîrtaş û HDP’ê ye.’’

Endamê NAV-DEM’ê Altûn Bîschoff jî got, ‘’Li dijî dîktatorî û faşîzmê fersendeke dîrokî ketiye dest me, divê ev fersend were bikaranîn, divê em mohra xwe li hilbijartinê bixin û faşîzmê bavêjin ser sergoyê.’’

Serokê NAV-DEM’ê Tahîr Koçer jî got, ‘’Heta 24’ê Hezîraê rojeva me divê ev be; ‘’te dengê xwe da?’’ û ji bo em morale bidin welatiyên xwe yên li Kurdistanê divê em biçin ser sendoqan.’’