Rabûn Merûf ê despêkê YNK û piştre jî derbasî Tevgera Goran bibû û niha jî di Partiya Nifşê Nû de cih digire, li bajarê Hewlêrê yê Başûrê Kurdistanê dema ji bo propagandakirina hilbijartina 12’ê Gulanê daxuyaniyeke çapemeniyê dida, komeke bi çek û keviran êrîşî wî kirin. Marûf ê di êrîşê de ji serê xwe birîndar bû, ji bo dermankirinê rakirin nexweşxaneyê. Li gorî agahiyên şahidan, hate diyarkirin ku koma êrîşî Marûf kirî ji sîteya ku weke gundê Îngilîz ê li Hewlêrê tê zanîn, derketine.

ÊRÎŞÊN BERIYA HILBIJARTINÊ ZÊDE DIBIN

Ji roja destpêk a ji bo propagandakirina hilbijartina 12’ê Gulanê û vir ve li Hewlêrê Midûrê Karê Rêveberiyê yê Desteya Hilbijartina Bilind Faris Muhemmed ê YNK’yî, li pêşiya Family Mollê hate kuştin. Piştre jî Dr. Kamuran Berwarî yê namzetê Nifşê Nû li Zaxoyê bi kevir û daran êrîşî wî hatibû kirin.