Li Başûrê Kurdistanê xwendekar dîsa derketin kuçeyan
Li Başûrê Kurdistanê xwendekarên ku bûrsên xwe nekarîn bistînin, çalakiyên xwe yên protestoyê didomînin.
Li Başûrê Kurdistanê xwendekarên ku bûrsên xwe nekarîn bistînin, çalakiyên xwe yên protestoyê didomînin.
Nerazîbûna xwendevanên zanîngeh û peymangehê ya dijî nedana bûrsên mehane dewam dike. Îro jî bi vekirina deriyên zanîngehê re, xwendevan li zanîngehên Koye, Helebce, Ranye û Qeladizê çalakî lidarxistin.
Xwendevan li ber derê zanîngehên xwe kom bûn û bê navber dirûşmeya ‘Em daxwaza mafê xwe dikin’ qêriyan.
Tê payîn îro li seranserê Başûrê Kurdistanê xwendevanên zanîngeh û peymangehê rabin ser xwe û daxwaza dayîna xerca mehane bikin.
Heya niha Hikumeta Herêma Kurdistanê guh nedaya daxwazên xwendevanan. Hêjayî gotinê ye beriya 2 hefteyan li seranserê Başûrê Kurdistanê xwendevan rabibûn ser xwe. Lê hikumetê bi destgîrkirina xwendevanan bersiva daxwazên xwendevanan dabûn. Heya niha jî gelek xwendevan dibin destgîrkirî ne û aqûbeta wan nayê zanîn.