Însiyatîfa Navnetewî ya Ji Bo Kurdan Edalet ji bo derxistina PKK’ê ji lîsteya ‘Rêxistinên Terorîst’ li seranserê welatên Ewropayê kampanyaya îmzeyan ku berhevkirina 4 milyon îmze daye ber xwe, ragihandibû. Kampanya bi pêşengiya 1000 rewşenbîr, akademîsyen, siyasetmedar, zanyar, hunermend, aktîvîstên sosyalîst hatibû destpêkirin û berdewam dike.

Bi vê çarçoveyê de kampanya saet 11:00’an li salona Xak a Silêmaniyê bi tevlîbûna bi dehan rewşenbîr, siyasetmedar, hunemend û kesayetên Başûr bi dirûşma ‘Dem dema Azadiyê ye, Kampanya Însiyatîfa Naneteweyî: Ji bo Kurdan Edalet, Daxwaza Lezgîn Dikin ku PKK ji Lîsteya Terorê bê derxistin’ hate ragihandin.

Piştî amadebûna hûnermend, rewşenbîr, siyasetmedar û kesayetên naskirî yên Başûrê Kurdistanê çalaki destpê kir.

Destpêkê Siyasetmedar Ferhat Sengawî li ser Rêberê Gelê Kurd û PKK’ê helbestek xwend û piştre ji komîteya Amadekar Siyasetmedar Mihemed Emîn Pênciwênî li ser kampanyay axivî.

Penciwênî anî ziman  di lîsteya terorê de bicihkirina PKK’ê biryareke siyasî ye û li ser daxwaza dewleta Tirk hatiye girtin.

Siyasetmedar Emîn Pênciwênî ragihand  Tirkiye û hêzên dagirker ji bo Kurdan tine bike bi komployekê ya 15’ê Sibata 1998’an a Rêberê Gelê Kurd Abdullah Ocalan girtin û PKK’ê xistin lîsteya terorê û got: “Bi vê çarçoveyê de Serok Apo dîl girtin. Ji bo Kurdan jî qir bikin û êrîşên xwe yên terorî li Bakurê Kurdistan bidin rewakirin jî PKK xistin lîsteya terorê.”

Penciwênî li ser derxistina PKK’ê ji lîsteya terorê jî ev got: “Derxistina PKK’ê ji lîsteya terorê tê wateya, rewabûna doza Kurd. Naskirina Kurdan a li cîhanê. Heman demê dibe deriyek bo Kurd siyasî di serî de li Bakurê Kurdistan, Ewropa û Cîhanê.”

Siyasetmedar Emîn Pênciwênî herî dawî ragihand ku li Başûrê Kurdistanê jî bi ragihandin vê kampanyê piştevaniya xwe ya ji bo kampanya derxistina PKK’ê ji lîsteya terorê nîşan didin û daxwaz ji her kesê kir ku piştevaniya vê kampanyê bike û îmzeya xwe dane binê vê kampanyê.

Piştre komîteya kampanyayê xwe da nasîn û li ser kampanyê axaftin kirin.

Herî dawî jî beşdarvanên li salonê mafê axaftinê girtin û ragihand ku divê demildest PKK ji lîsteya terorê bê derxistin.