Li Bane kolberek birîndar bû
Hêzên dewleta Îranê li bajarê Bane gule li kolberekê reşandin. Di encamê de kolberek bi giranî birîndar bû.
Hat ragihandin ku doh şev hêzên dewleta Îranê kolberê bi navê Kêywan Elîpûr (38) ê ji bajarê Seqizê ye, li ser sînorê Kîle yê girêdayî bajarê Bane yê Rojhilatê Kurdistanê gulebaran kirin. Di encama gulebaranê de Elîpûr ji sînga xwe ve bi giranî birîndar bû.
Ji bo dermankirinê Elîpûr rakirin Nexweşxaneya Selahedîn Eyûbî ya bajarê Bane.
