Piştî nîvro komxebat bi panela sêyemîn dom kir.

Telar Sebah moderetoriya panela sêyemîn a bi dirûşma ‘Têkiliyên ziman, werger û çapemeniyê’ birêve bir.

Şêrko Heme Emîn li ser polîtîkaya weşan û medyayê ya li ser ziman nirxandin kir û behsa zimanê medya û weşanê kir.

Haşim Ehmedzade têkildarî karê wergerê ya li ser ziman axaftinek pêşkêş kir û diyar kir ku divê zêdetir giringî bi wergera ziman bê dayin. Her wiha divê li hemû zanîngehan beşên wergerê bên vekirin.

Mamoste Ala Dara Ebdilmecîd jî  li ser taktîk û îrfanê nirxandinek pêşkêş kir.

Di dewama panelê de beşdarvan pêşniyar û pirsên xwe arasteyî qisekeran kir.

Hin xalên derketî pêş wiha ne;

-Divê siyaset û plana ji bo pêşxistina ziman a hikumeta herêmê û dezgehên peywendîdar - hebe.

Nûnerên Kurd li Bexda kar li ser pêkanîna madeya 4 a zimanê Kurdî ya herêmên madeya 140 bike.

-Hikûmeta herêm û saziyên peywendîdar pêwîste liser diyalektîkên cuda yên Kurdî  û têkiliyek li seranserê her çar parçeyan bisekine.

-Hikûmeta herêmê pêwîste ji vir û pêde li zanîngehên zanistî jî waneya zimanê Kurdî bide.

-Hikûmeta herêma kurdistanê pêwîste li ser vê bixebite ku her kesê biyanî fêrî Kurdî bikin.

-Berfirehkirina beşên zimanê Kurdî li Zanîngehan.

-Hewldana Parastina hemû devokên Kurdî.

-Têkiliya di navbera parçeyan bê xurtkirin.

-Xebata ji bo xurtkirina ziman li hemû qadan.

Herî dawî yên tevlî panelêbûn hatin xelatkirin.