Di 23’ê Çileyê de li Taxa Dere ya Gêla Amedê wesayîta zirxî li Sabrî Gunay ê 70 salî dabû.

Gunay rakiribûn nexweşxaneya Perwerdehî û Lêkolînê ya Gazî Yaşargîl. Gunay 2 rojan di beşa lênihêrîna kûr de mabû, hatibû diyarkirin pêyê wî şikestiye û hinavê wî xwînî bûye.

Hate diyarkirin ku Gunay piştî 2 rojan hate ser hişê xwe û tedawiya wî didome.

ÇI BÛBÛ?

Di 23’ê Çileyê de Gunay dema diçû Taxa Kazanli ya Gêlê ji ber ku wesayîta leşkerî lê dabû, bi giranî birîndar bûbû. Gunay rakiribûn nexweşxaneyê û piştî du rojan hate ser hişê xwe.