Rêxistinên civakî yên sivîl ên li Hewlêrê li Navenda Rêxistinên Civakên Sivîl daxuyaniyek dan çapemeniyê.

Nûnerê rêxistinan Sîrwan Gerdî daxuyanî da û banga yekîtiyê li gelê Kurd kir. Gerdî got, "Mixabin gel û axa Kurdistanê dibin qurbanê hevrikiya siyasî ya dagirkeran û welatên cîran. Gelê Kurd divê li dijî dijminan bibe yek û bi yek deng û yek helwestê tevbigere."

Gerdî diyar kir, eger êrîşên dewleta Tirk ên li ser Efrînê dewam bikin wê li ber Konsolosxaneya Tirkiyeyê û Nûnertiya Neteweyên Yekbûyî çalakiyê girseyî li dar bixin.