Heyeta Tevgera Azadî ya ku derbarê girtina ofîsên xwe çûn Bexdayê, li Komîsyona Hilbijartina Serbixwe ya Bilind a Iraqê gilî kirin.

Rêveberê Tevgera Azadî Hisên Kerkûkî diyar kir ku wan ragihandiye biryara girtina ofîsên Tevgera Azadî ya ji aliyê hikumeta Başûrê Kurdistanê hatiye kirin, nayê qebûlkirin.

KOMÎSYON: SEDEMÊN BIRYARÊ DIYAR BIKE

Komîsyona Hilbijartina Serbixwe ya Bilind a Iraqê bi daxuyaniyeke fermî ya nivîskî  ji hikumeta Başûrê Kurdistanê xwest ku bila sedemên girtina ofîsan diyar bike.

Serokê Komîsyona Hilbijartina Serbixwe ya Bilind a Iraqê Meen Elî Hîtawî û rêveberê Ofîsa Partiyên Siyasî ya girêdayî Komîsyona Hilbijartina Serbixwe ya Bilind a Iraqê Ebdullah Fazil diyar kir ku wan dema fermîbûn dane Tevgera Azadî wan ji Wezareta Karên Navxweyî û ji Komîsyona Têkoşîna li dijî Nelirêtiyê ya Herêma Kurdistanê pirsîne. Fazil bal kişand ser vî tiştî ku daxwaza wan fermîbûnê bi erênî hatiye encamkirin û got ku, “Lê çima niha dixwazin ofîsên Tevgera Azadî bigirin?”

Hate hînbûn ku Tevgera Azadî wê li hemberî vê bêhiqûqtiyê li Dadgeha Federal a Iraqê jî giliyan bike.