Komelaya Karkerên Mezopotamya li dijî tecrîda li Îmralî û ji bo piştgirîdayîna çalakiya greva birçîbûnê ya Hevseroka KCD û Parlamentera HDP’ê Leyla Guven li Silêmaniyê 14’ê Kanûnê greva birçîbûnê dabûn destpêkirin. Çalakî îro ji aliyê koma 10’emîn a ji Kurdên her çar parçeyên Kurdistanê ve hate dewr girtin.

Yek ji endamên gruba 10’an Rehman Resûl ku welatiyê Başûrê Kurdistanê ye û di heman demê de Endamê Desteya Rêvebir a Tevgera Azadiye, di derbarê çalakiyê de got: “Tecrîda girankirî ya li dijî Ocalan bandora xwe li hemû civakê kiriye. Çalakiyên ku li her çar parçeyên Kurdistan û Ewropayê destpêkirin gelek girîng in. Em jî bi keyfxweşiyê çalakiyê dewr digrin û radigihînin ku wê çalakiyê me bidomin.”