Dezgehdarên Hewlêrê dijî biryara Şaredariyê ya ji bo girtina cihên xwe yên firotina zebeş û hêkan, çalakiyek lidarxistin. Dezgehdaran rêya sereke ya Musil-Hewlêr li trafîkê girtin. Dezgehdaran ragihandin ku li gorî peymana di navbera wan û aliyên peywendîdar de, divê heya sala 2038, cihê wan nehatiba guhertin, ji bo vê jî pereyê xwe jî dane.

Dezgehdar dibêjin tevî wana pereyê xwe jî razandine, biryara girtin û guhertina cihê wan hatiye dayîn.

Dezgehdaran ji ber ku rê li trafîkê girtin, di navbera wan û hêzên PDK’ê de alozî çêbû. Çekdarên PDK’ê gule bi ser wan der barandin. Esnaf dibêjin heya biryar neyê hilweşandin, ew ê dev ji çalakiya xwe bernedin.