Cenazeyê Mehmet Hanefî Bîlgîn ku li Girtîgeha Girtî ya Tîpa F a Bolûyê hate qetilkirin, ji aliyê malbata wî ve ji morga Goristana Karşiyakayê hate wergirtin. Cenazeyê ku anîn Çewlikê, li balafirgehê ji aliyê bi dehan kesî ve hate pêşwazîkirin.

Wecîbeyên olî di bin dorpêçî û zexta polîsan de hate kirin. Piştre jî cenazeyê Bîlgîn li navçeya Dara Hênê li goristana Cûmhûriyetê hate veşartin.

Tevî xizmên Bîlgîn, nûnerên HDP'ê yên bajar, navçeyan, parlamenterên HDP'ê tevlî merasîma cenaze bûn.

Serdanên ji bo sersaxiyê jî wê li Mala Serxweşiyê ya Yenîşehîrê ya li navenda navçeyê bên pêşwazîkirin.

Bîlgîn ku bi hincetên siyasî ji sala 1992'an û vir ve li girtîgehê dîl dihate girtin, 5 meh beriya bê berdan hatibû qetilkirin.

Rêveberiya girtîgehê îdîa kiribû ku Bîlgîn ji ber krîza dil jiyana xwe ji dest daye.