Berfê bandoreke giran li Kurdistanê kir
Li Bakurê Kurdistanê, ji ber barîna berfê rêyên gelek herêman hatin girtin.
Li Bakurê Kurdistanê, ji ber barîna berfê rêyên gelek herêman hatin girtin.
Berf, baran û zîpika ku li Bakurê Kurdistanê şidandine, bandoreke giran li jiyanê dikin. Gelek navçeyên Amedê ji ber berfê spî bûn û li hin gundan bi qasî metreyekê berfê erd girt. Di serî de rêya navbera Pasûr û Mûşê, rêya bi sedan gund û gundikan hatin girtin.
Li ser rêya navbera Amed-Wêranşarê ambûlansek, 4 qemyon û wesayitek asê man.
LI SÊRTÊ KÊM MABÛ KU MALBATEK BIQERISE
Li navçeyên Xizxêr, Dihê, Berwarî, Tilo û Hawêl ên Sêrtê, rêyên 75 gundan hatin girtin.
Li Girê Karker ê navçeya Xizxêrê ya navçeya Sêrtê, malbateke ji 5 kesan di hundirê wesayitê de asê mabûn û hindik mabû biqerise. Malbat hate rizgarkirin.
TEXMÎNA LI SER REWŞA HEWAYÊ
Tê gotin, rewşa hewayê wê îro li Kurdistanê bi ewr be û car carna berf û baranê bibare. Tê texmînkirin li Rihayê wê baran, li Amed, Êlih, Sêrt, Mêrdîn û Şirnexê jî wê berf û baran bi hev re bibarin.