Şandeyek ji Nûnertiya Neteweyên Yekbûyî ya Nînovayê ya bi serokatiya Zuhîra El Tabûrî serdana Şengalê kir. Şandeya Neteweyên Yekbûyî ji aliyê nûnerên Rêveberiya Xweser ve hate pêşwazîkirin.

Nûnerên Neteweyên Yekbûyî û Rêveberiya Xweser a Şengalê niha li Şengalê di civînê de ne.

Li gorî agahiyên hatin girtin, naveroka civînê peymana 9’ê Cotmehê, bûyer û qewimînên dawî yên li herêma Şengalê ne. Civîn ji çapemeniyê re girtî didome.

Piştî peymana 9’ê Cotmeha 2020’ê ya di navbera Bexda-PDK-Tirk a li ser Şengalê, li Şengalê demek dirêje alozî û nakokiyên ji bo Şengal dîsa vegere beriya Fermana 73’an a sala 2014’ê û ji aliyê rêveberiya Navendî ya Iraqê û Herêma Kurdistanê ve bê birêvebirin.

Di vê çarçoveyê de ji roja peyman hate ragihandin û heta vê kêliyê, Şengalî û pêkhateyên herêmê ji bo bicihnehatina vê peymanê li ser lingan e.

Di vê çarçoveyê de gelek hevdîtin hatin kirin, lê heta niha jî ji bo statû û xweseriya Şengal û civaka Êzidî civîn û hevdîtin dewam in.