28 endamên DÎAYDER'ê di 3'ê Tîrmehê de hatibûn destgîrkirin. Ji wan Karabey, Mehmet Înan, Mehmet Emîn Aslan, Nezîr Erdemcî, Ekrem Baran, Hafîk Tûnç û Sefa Mehmetoglû bi hinceta ku bi Kurdî xutbe xwendine, tevlî Nimêja Înî ya Sivîl bûne û karên komeleyê meşandine hatin girtin. 17 ji wan jî hatin berdan.

Îdîaname piştî şeş mehan ji aliyê Serdozgeriya Komarê ya Stenbolê ve hate amadekirin û pêşkêşî 14'emîn Dadgeha Cezayê Giran a Stenbolê hate kirin.

Di îdînameyê de karên komeleyê û xutbeya bi Kurdî weke 'alîkariya bi rêxistinê' û 'endametiya rêxistinê' hate pênasekirin.

Îdîaname ji aliyê 14'emîn Dadgeha Cezayê Giran a Stenbolê ve hate qebûlkirin. Rûniştina destpêkê ya doza li endamên DÎAYDER'ê hatiye vekirin wê di 18'ê Sibata 2022'an de pêk were.