Emîne Şenyaşar ku 14'ê Hezîrana 2018'an li navçeya Pirsûs a Rihayê hevser û du kurên wê ji aliyê xizmên Parlamenterê AKP'ê Îbrahîm Halîl Yildiz ve hatin qetilkirin, tevî kurê xwe Ferît Şenyaşar ê ku di heman êrişê de birîndar bû li ber Edliyeya Rihayê çalakiya xwe ya nobeda edaletê dewam kir.

Dayik û kur îro ji bo roja 203'an li ber edliyeyê dest bi çalakiya rûniştinê kir.

Bi navê malbatê peyamek li ser Twitterê hate parvekirin û hate gotin, "Dayikek ji ber bicihnehatina sîstema edaletê 203 roj in li ber deriyê edliyeyê li edaletê digere. Kes nikare li ber vê daxwaza samîmî û zelal raweste. Tenê dixwaze ku qanûnên heyî bi cih bê anîn."