Li Aricaka Xarpêtê di 9’ê Hezîranê de şerek çêbûbû. Di vî şerî de gerîlayên HPG’ê Salîh Ekîncî (Devran Demîr) û Îzzet Yîgît (Firaz Amed) şehîd bûbûn. Ji bo wergirtina cenazeyan 77 roj berê xwîn hate dayin lê hê jî cenaze teslîmî malbatan nehatiye kirin.

Rayedarên Fermandariya Jendirmeyan a Bajêr a Xarpêtê di 9’ê Hezîranê de telefonî malbatan kiribûn ku zarokên wan mirine.

Her du malbat ji bo ku cenazeyên xwe werbigirin di 10’ê Hezîranê de çûbûn Xarpêtê û serî li Serdozgeriya Komarê ya Xarpêtê dabûn. Piştî serlêdanê ji bo testa DNA malbat şandin Nexweşxaneya Dewletê ya Xarpêtê û mînaka xwînê ji malbatan wergirtin. Malbat 77 roj in li benda testê ne.