Hat ragihandin ku li bajarê Sine yê Rojhilatê Kurdistanê hêzên ewlekariyê yên dewleta Îranê duh bi ser malên du çalakvanên sivîl ên Kurd ên bi navê Kejal Nesrî û Ferheng Eywezî de girtin. Hêzên rejîmê li malê lêgerîn pêkanîne û dest danîne ser gelek kel û pelên şexsî yên her du çalavanan. Piştre jî her du çalakvan destgîr kirin û ew rakirina îdareya Îttilaatê ya bajêr.

Hêzên rejîma Îranê ku ev nêzî mehek e dest bi pêleke nû yê destgîrkirina welatî û çalakvanên Kurd ên Rojhilatê Kurdistanê kiriye, di nava vî demî de herî kêm 42 kes li bajarên Bane, Seqiz, Merîwan û Sine destgîr kirine ku ji wan 42 kesan tenê 3 kes yên bi navê Zagros Reşîdî, Ebdurehman Efşar û Ebdurehman Eştak bi danîna pere ji bo demekê serbest hatine berdan.