Navenda Ragihandinê ya YPG’ê bi daxuyaniyeke nivîskî nasnameya 6 şehîdên berxwedana Kobanê û Serêkaniyê ya 2014’an eşkere kir.

YPG’ê di daxuyaniyê de ev agahî parve kir;

“2014'an Îlonê di berxwedana Kobanê de 2 hevalên me û li Serekaniyê li gundê Dehmayê 4 hevalên me şehîd bûne. Agahiyên derbarê hevalên me yên şehîd wiha ne;

Çeteyên DAÎŞ'ê ku dagirkirina Kobanê dane ber xwe 15'ê Îlona 2014'an bi hevdemî êrîş birin ser rojhilat, başûr û rojavayê bajêr. Hêzên me yên YPG, YPJ'ê li dijî êrîşan berxwedaniyeke mezin kirin û nîşan dan ku çeteyên DAÎŞ'ê nikarin Kobanê dagir bikin. Her roja berxwedana Kobanê bi serê xwe dastanek e. Yek ji van berxwedanan jî li rojavayê Kobanê li derdora gundê Siftek û derdorê 22-30'ê Îlonê hate jiyîn. Di vê berxwedanê de hêzên me derbên giran li çeteyan xistine û nehiştine ku çete bi pêş ve biçin. Di vî şerê berxwedanê de ku şerê vînê hatiye kirin hevalên me Cigerxwîn  Şervan û Zerdestş Zagros bi lehengî şer kirin û şehîd bûn. Agahiyên nasnameyê yên hevalên me yên şehîd wiha ne;

Nasnav: Cîgerxwîn Şervan

Nav û Paşnav: Osman Karan

Navê Dayikê: Guzel

Navê Bav: : Dagistan

Cihê Jidayikbûnê: Agirî

Cih û Demê Şehadetê: Kobanê -  Girê  Siftek / 28’ê Îlona 2014’an

***

Nasnav: Zerdeşt Zagros

Nav û Paşnav: Mesut Sîrma

Navê Dayikê: Perişan

Navê Bav: : Nusret

Cihê Jidayikbûnê: Colemêrg

Cih û Demê Şehadetê: Kobanê / Îlona 2014’an

Dema ku çeteyên DAÎŞş'ê êrîş birin ser Kobanê Îlonê hêzên me ji bo ku destekê bidin berxwedana Kobanê li Serêkaniyê li dijî DAÎŞ'ê pêngavek dane destpêkirin. Bi vê pêngavê re 22'yê Îlona 2014'an li Serêkaniyê, li navçeya Mebrûka gundê Dehma di navbeyna hêzên me û çeteyên DAÎŞ'ê de şerekî giran çêbû. Di vî şerî de çar hevalên me yên ku derbên giran li çeteyan dan heta guleya dawî bi lehengî şer kirin û şehîd bûn.

Agahiyên nasnameyê yên hevalên me yên şehîd wiha ne;

Nasnav: Mazlum Jêhat

Nav û Paşnav: Faruk Demîr

Navê Dayikê: Gulîstan

Navê Bav: : Îsmet

Cih û Demê Şehadetê: : Serêkaniyê / Mebruka - Gundê Dehma / 22’ê Îlona 2014’an

***

Nasnav: Piling Çiya

Nav û Paşnav: Eyüp Malgaz

Cih û Demê Şehadetê: : Serêkaniyê - Mebruka / Gundê Dehma  / 22’ê Îlona 2014’an

***

Nasnav: Sîpan Piling

Nav û Paşnav: Sûat Coşkûn

Navê Dayikê: Tentane

Navê Bav: : Azîz

Cih û Demê Şehadetê: Serêkaniyê / Mebruka – Gunde Dehma / 22’ê Îlona 2014’an

***

Nasnav: Şahîn Serhed

Cih û Dîroka Şehadetê: Serêkaniyê / Mebruka – Gundê Dehma /  22’ê Îlona 2014’an

Di şexsê hevalên me de yên ku di berxwedana Kobanê û Serêkaniyê de şehîd bûne hemû şehîdên şoreşê em bi hurmet bi bîr tînin. Em soz didin ku li ser xeta berxwedanê ya ku şehîdên me ava kirine heta azadiya gelê me em têkoşîna xwe bi rengekî bêhempa bidomînin."