Ciwanên Başûr li dijî dagirkeriyê xwe bi rêxistin dikin
Ciwanên Başûrê Kurdistan li dijî êrîşên dagirker berbi rêxistinbuyinek hevbeş ve diçin.
Ciwanên Başûrê Kurdistan li dijî êrîşên dagirker berbi rêxistinbuyinek hevbeş ve diçin.
Şandeyek ji Komeleya Ciwanên Welatparêzên Kurdistanê û Rêxistina Jinên Ciwan ên Têkoşer li Silemanî çûn serdana Partiya Goran û bi endamên wan ên ciwan re hevditînek pêk anîn. Armanca serek ya hevditînê ew bû ku platformek ciwanan li dijî êrîşên dagirker bê avakirin. Di hevditînê de endamên Ciwanên Welatparêzên Kurdistanê û Jinên Ciwan ên Têkoşer der barê êrîşên dagirker li ser axa Başûrê Kurdistan û taybet li ser Herêmên Parastina Medya niqaşkirin. Li ser erk û berpirsyartiya ciwanan di vê pêvajoyê de niqaşên germ hatin meşandin.
Ciwanên Partiya Goran serdana Ciwanên Welatparêz û Jinên Ciwan ên Têkoşer bi keyfxweşî pêşwazî kir û di encama hevditînê de fikrek hevbeş li ser helwesta li dijî êrîşên dagirker derket holê. Ciwanên Goran daxuyakirin ku ew amade ne ji bo her erk û berpirsyartiya ku dikeve ser milê wan û ew ê li dijî dagirkeriya tirk bêdeng nemînin.