Wezareta Karên Derve ya Fransayê bi daxuyaniyekê bang kir ku demeke wiha, hêj DAÎŞ li herêmê gefeke mezin e, tu hewileke ku pê aramiya herêmê xera bibe û bikeve xeteriyê, neyê kirin.
Wezareta Karen Derve ya Fransayê, têkildarê êrîşên dewleta Tirk ên berpêyî Bakur û Rojhilatê Sûriyeyê û Başûrê Kurdistanê li ser malpera xwe ya fermî daxuyanî da.
Di daxuyaniyê de wiha hat gotin: “Fransa, ji roja Tirkiyeyê operasyonên hewayî li Bakur û Rojhilatê Sûriyeyê û Herêma Kurdistanê ya xweser a Iraqê kiriye heta bi niha şopandina gengeşeyê dike ku her diçe zêde dibe.
Fransa ji ber daxuyaniyên ku dibêjin Tirkiye wê destwerdana bejayî li Bakur û Rojhilatê Sûriyeyê bike, bi fikar e. Serdemeke wiha ku gefa DAÎŞ’ê hêj berdewam e, banga Fransayê ew e ku hewila xerakirina aramî û ewlehiya herêmê û şêniyên wê neyê kirin.
Fransa, rêzdar e ji serweriya Iraqê û îstiqrara li Herêma Kurdistanê ya xweser di nav Iraqê de.“
