Civîna Davosê ya ku her sal li bajarê Davosê yê Swîsreyê tê lidarxistin wê îsal jî di navbera 21-24’ê Çileyê de cara 50’emîn were lidarxistin. Ji 117 welatan wê 3 hezar siyasetmedar, karsaz, akademîsyen û nûnerên saziyên civakî tevlî civînê bibin. Wê serok û serokwezîrên 50 welatan jî tevlî civînan bibin.

Wê nêzî 400 danişîn were kirin. Tê payîn ku di civînan de krîza di navbera DYE û Îranê de, geşedanên li Lîbyayê û krîza li Rojhilata Navîn werin rojevê.

Forûma Ekonomiyê ya Cîhanê (WEF) diyar kir ku guherandina avhewayê yek ji meseleya wan a sereke ye lê jîngehparêz di serî de, beşeke zêde xwe amade dikin ku WEF’ê protesto bikin. Ji bo balkişandina germahiya global û qirêjahiya jîngehê roja Yekşemê ji bajarê Landqûart ê Swîsreyê ber bi Davosê ve meşeke ji bo 3 rojan hate destpêkirin. Bi hezaran çalakger wê piştî 3 rojan û meşa 40 kîlometreyan wê bigihêjin Davosê. Hate diyarkirin ku çalakger di 21’ê Çileyê de jî wê li gelek navendên Swîsreyê li dijî WEF’ê çalakiyan li dar bixin.