Platforma "Ji bo yekîtiya neteweyî ya Kurdistanê / Ewropa" ku ji saziyên Kurdistanî yên li Ewropayê pêk tê, li dijî êrişên dewleta Tirk ji bo yekîtiyê bang kirin.

Di daxuyaniyê de hate ragihandin, ku krîzên siyasî û aborî yên dewleta Tirk a faşîst di asta mirinê de giran bûne, lewma hilweşîna wê nêz bûye û hate gotin, "Li nava welêt û derveyî welat, şer, dagirkerî û komkujiyan li ser Rojava û Başûrê Kurdistanê giran kiriye. Ji ber vê yekê bi teşwîqkirina şovenîzm û nijadperestiyê li nava civakê, dixwaze dengê mezlûman û têkoşîna demokratîk neteweyî ya gelê me bifetisîne. Dewleta Tirk ji roja ku ava bûye û vir ve bi sedan komkujî û provokasyon kiriye û bi vî rengî hewl daye hebûna xwe bidomîne. Dîroka 100 salî ya Komara Tirkiyeyê dîrokeke bi xwîn e."

'WEZÎFEYA HERÎ GIRÎNG PARASTINA DESTKETIYAN Û YEKÎTÎ YE'

Di daxuyaniyê de hate ragihandin ku parçetiya nava hêzên Kurdistanî û bûyerên li konjonktura navneteweyî hêzê dide dewleta Tirk a mêtinger û faşîst û hate gotin, "Bêguman mijara herî zêde ku dewleta Tirk jê hêzê werdigire ew e ku hêzên neteweyî yên Kurd ji hev parçe bûne, di nava xwe de nabin yek."

Saziyan diyar kirin ku ji ber vê yekê divê hêzên neteweyî yên Kurd nakokiyên nava xwe deynin aliyekî, destketiyên gelê Kurd ên li Başûr û Rojavayê Kurdistanê mîna çavê xwe biparêzin. Ev yek wezîfeya herî girîng a vê demê ye. Yekane rêya parastina destketiyan û pêşîgirtina li dagirkeriya dewleta Tirk a mêtinger, refleksa yekîtiya neteweyî ye."

Di dawiya daxuyaniyê de hate gotin, "Em bang li gelê xwe û gelên bindest hemûyan dikin; werin em bi hev re di 14'ê Tebaxa 2021'ê de bi beşdariya li meşa 'Parastina Kurdistanê' dengê xwe bigihînin raya giştî ya cîhanê.

Roj roja mezinkirina berxwedana gelê Kurdistanê ye. Roja pêanîna yekîtiya neteweyî li çar parçeyên Kurdistanê ye."

SAZIYÊN KU DAXUYANÎ DANE

KCDK-E (Kongra Civaka Demokratîk a Kurdistanê-Ewropa)

TJK-E (Tevgera Jinên Kurdistanê-Ewropa)

Partiya ŞÛÎ – Başûrê Kurdistanê

Kongra Star (Rêxistina Jinan a Rojava, Bakur-Rojhilatê Sûriyeyê) Ewropa

Partiya Zahmetkêşan – Başûrê Kurdistanê

PADÊ (Partiya Azadî û Demokrasiya Êzîdiya)

Tevgera Azadî

PYD (Partiya Yekîtiya Demokrat)

P.D.K.S (Partiya Demokrat a Kurdî ya Sûriyeyê)

Partiya Çep a Kurd li Sûriyeyê

Tevgera Nûjen ya Kurdistanî-Sûriye.

PÇDKS ( Partiya Çep a Demokrat a Kurd li Sûriyeyê.)

Partiya Demokrata Kurd li Sûriye( El Partî).

Partiya Çep a Demokrat li Sûriye.

Partiya Rêkeftin a Kurd li Sûriye.

Partiya Çaksaziya Kurd li Sûriye.

Partiya Kesk a Kurdistanî li Sûriye.

Partiya Demokrata Kurdistanî li Sûriye.

Partiya Komanist a Kurdistanî li Sûriye.

PÎK (Partiya Îslamiya Kurdistan)

KKP ( Partiya Kominista Kurdistan)

Tevgera Kawa

PJAK(Partiya Jiyana Azada Kurdistan)

Yakyatî Şoreşgêrî Kurdistan

KODAR (Civaka Demokratîk û Azada Rojhelatê Kurdistan)

KJAR (Civaka Jinên Rojhelatî Kurdistan)

Platforma Horam

Plattform Zagros

Platform Yarsan

Yarî Kurd

Partiya Demokrat û Pêşverû Kurdî li Surîye

Tevçand (Tevgera Çand û Hunera Kurd)

Kurdische Gemeinde Stuttgart e.V

FEDA ( Federasyona Elewîyên Kurdistanê)

NAV – YEK (Federasyona Komelên Êzidiyan)

Kurdische Zentrum Berlin

CIK ( Civaka Îslami ya Kurdistanê)

Enstituta Kurdî – Elmanya

Enstituta Kurdî – Bruksel

MŞD ( Meclîsa Şingal a Derveyî Welat)

YMK ( Yekîtîya Mamostayên Kurdistan)

YES (Yekitiya Êzdiyên Sûriyeyê)

Kurdisch Gemeinde Brandenburg - Berlîn

Dachverband der Êzidischen Frauenräte

DKF (Deutsch-kurdisches Forum) e.V Dresden

Kongreya Gel a Mezopotamyayê

Partiya Azadiyê ya Mezopotamyayê

Kurdistan Human Rights Association"