Partî û saziyên Kurdistanê yên Ewropayê: Bi rihê Garê em li dijî dagirkeriya Tirk rabin

Rêxistin, partî û saziyên Kurdistanî yên li Ewropayê: ''Hemû Kurdistanî, li gel dostên xwe beşdarî çalakî û xwepêşandanên li dijî vê dewleta faşîst a Tirka bibin û ji bo van êrîşan bide rawestandin bi ruhê Garê yê berxwedêr em tevbigerin û hewl bidin!''

Rêxistin, partî û saziyên Kurdistanî yên li Ewropayê bal kişandin ser êrîşên dagirkeriya mêtinger a Tirk a li ser Başûrê Kurdistanê, bang kirin ku her kes li dijî êrîşên dagirker 'bi rihê Garê'' tevlî çalakiyan bibin û êrîşên dagirkeriya Tirk bişkînin.

Her wiha hate gotin, ''Bi çalakîyên xwepêşandanan û dîplomasî yên dewlemend, em bi erk û peywirên xwe rabin. Roj, ne roja rawestanê ye, roja xwepêşandanê ye.''

Daxuyaniya hevpar a sazî û rêxistinên Kurdistanî yên li Ewropayê wihaye:

''Arteşa dewleta Tirk ya dagirker û mêtinger, êrîşên xwe yên dagirkeriyê li Başûrê Kurdistanê, bi berfirehî û bi dijwarî dewam dike.

Weke ku ew dibêjin, ev êrîşên wan, ne bi tenê li dijî tevgêrekê an du tevgêrên Kurdistanî ne. Jixwe li ber çava ye, di êrîşên xwe de ti cudahiyê naxe navbêna gerîlla û gelê Kurdistdanê yê welatparêz û xweragir.

Doh piştî gotina Biden a “Nijadkujiya Ermeniyan” bi çend saetan, him bi hêzên xwe yên erdê û him ên hewayî ve bombebaranê xwe bê navber didomîne. Wîsa diyar dibe ku hewcedariya wan a lezgînî bi serkeftinekê heye. Ji ber ku him di hundur de him jî ji derve ve pir tengav û aloz bûye. Ji bo xwe jî vê qeyran û dorpeça xerab a siyasî û aborî û giştî rizgar bike, êrîşên xwe yên li ser hemû parçeyên Kurdistanê zêdetir û girantir dike.

Bê gûman ji bo êrîşên xwe destûr û piştgriyê ji dewletên hegemon û dagirker jî distîne. Her wiha ji bo ku yekîtî di navbêna hêzên Kurdistanî de jî pêk neyê, hemû şêwazên xerab û fitneyî jî bi kar tîne.

Êdî divê li himber vê dewleta faşîst, dagirker û qirker, em jî hemû hêzên Kurdistanî hîn pirtir bi heşyarî û berpirsiyarî tevbigerin û bi lezgînî, bi yek dengî li dijî vê siyaset û êrêşa dagirkerî û qirkerî hilwesta xwe nîşan bidin.

Ji bo vê êrîşa ku armanca wê nehêlana deskeftî û hemû rûmetên me yên netewayî û niştanîne, em bidin rawestandin, dive bi lezgînî em hilwest û bertekek hevpar bidin diyar kirin. Him li welat û him li derveyî welat, bi taybetî jî li Ewrupayê, bi çalakîyên xwepêşandanan û dîplomasî yên dewlemend, em bi erk û peywirên xwe rabin. Roj, ne roja rawestanê ye, roja xwepêşandanê ye.

Banga me ya Rêxistinên Partî û Saziyên Kurdistanî yên li Ewrupayê ev e ku hemû Kurdistanî, li gel dostên xwe beşdarî çalakî û xwepêşandanên li dijî vê dewleta faşîst a Tirka bibin û ji bo van êrîşan bide rawestandin bi ruhê Garê yê berxwedêr em tevbigerin û hewl bidin!''

Sazî û partiyên ku mohra xwe danîne binê nameyê wiha ne:

YNK (Yekitî Niştimanî Kurdistan)
Tevgera GORAN
KCDK-E (Kongreya Civaka Demokratîk a Kurdên li Ewropayê)
TJK-E (Tevgera Jinên Kurd li Ewropayê)
Partiya ŞÛÎ ya Başûrê Kurdistanê
Kongreya Star (Rêxistna Jinên Rojava, Bakur-Rojhilatê Sûriyeyê) Şaxê Ewropa
Partiya Zahmetkêşan - Başûr
PADÊ (Partiya Azadî û Demokrasiyê ya Êzidiyan)
Tevgera Azadî
PYD (Partiya Yekîtiya Demokratîk)
P.D.K.S (Partiya Demokrat a Kurdî ya Sûriyeyê)
Partiya Çep a Kurd a Sûrî
Tevgera Nûjen a Kurdistanî-Sûriye
PÇDKS ( Partiya Çep a Demokrat a Kurd li Sûriyeyê)
Partiya Demokrat a Kurd li Sûriyeyê (El Partî)
Partiya Çep a Demokrat li Sûriyeyê
Partiya Rêkeftina Kurd a Sûriyeyê
Partiya Çaksaziya Kurd a Sûriyeyê
Partiya Kesk a Kurdistanî ya Sûriyeyê
Partiya Demokrat a Kurdistanî li Sûriyeyê
Partiya Komunîst a Kurdistanî ya Sûriyeyê
PÎK (Partiya Îslamî ya Kurdistanê)
KKP ( Partiya Komunîst a Kurdistanê)
Tevgera Kawa
PJAK (Partiya Jiyana Azad a Kurdistanê)
Yekîtiya Şoreşgerî ya Kurdistanê
KODAR (Civaka Demokratîk û Azad a Rojhilatê Kurdistanê)
KJAR (Civaka Jinên Rojhilatê ya Kurdistanê)
Platforma Horam
Plattform Zagros
Plattform Yarsan
Yarî Kurd
Partiya Demokrat a Pêşverû ya Kurdî ya li Sûriyeyê
Tevçand (Tevgera Çand û Hunera Kurd)
Kurdische Gemeinde Stuttgart e.V
FEDA (Federesyona Elewiyên Kurdistanê)
NAV - YEK (Federasyona Komeleyên Êzidiyan li Elmanyayê)
Kurdische Zentrum Berlîn
CÎK (Civaka Îslamî ya Kurdistanê)
Enstituta Kurdî - Elmanya
Enstituta Kurdî - Bruksel
MŞD (Meclîsa Şengalê ya li Derveyî Welat)
YMK (Yekîtiya Mamostayên Kurdistanê)
YES (Yekitiya Êzidiyên Sûriyeyê)
Kurdisch Gemeinde Brandenburg - Berlîn
Dachverband der Êzidischen Frauenräte
DKF (Deutsch-kurdisches Forum) e.V Dresden
Kongreya Gel a Mezopotamya
Partiya Azadiyê ya Mezopotamyayê
Kurdistan human rights Association"