Parlementoya Ewropayê ji bo parlementerên girtî kampanya da destpêkirin
Parlementoya Ewropayê ji bo parlementerên girtî kampanyayek da destpêkirin.
Parlementoya Ewropayê ji bo parlementerên ji ber xebatên xwe yên siyasî hatine girtin kampanyayek da destpêkirin. Kampanya bi rêya bernameya ‘Hevgirtina bi parlementeran re’ tê pêkanîn.
Li gorî projeyê wê parlementerên Parlementoya Ewropayê, parlementerên berê yên HDP’ê Fîgen Yuksekdag, Leyla Guven, Mûsa Farisogûllari jî nav de parlementerên girtî yên li Fîlîpîn û Hong Konkê hilbijêrin û rewşa dawîn a parlementerên girtî bişopînin û Parlementoya Ewropayê agahdar bikin.
Wê parlementera Koma Çepgir a PE Chrîs MacManûs rewşa Fîgen Yuksekdag, parlementerê Koma Çepgir a PE Nîkolaj Vîlmûssen rewşa Leyla Guven, parlementerê Koma Sosyalîst û Demokratan a PE û raportorê Tirkiyeyê Nacho Sanchez Amor rewşa Omer Farûk Gergerlîoglû û Parlementerê Koma Çepgir û Keskan a PE Jordî Sole jî rewşa Mûsa Farisogûllari bişopîne.
Di çarçoveya projeyê de vîdeoya piştgiriya ji bo Fîgen Yuksekdag û Leyla Guven hate weşandin.
